Grunnnámskeið fyrir konur eftir barnsburð
Hannað og kennt af Hildi Grímsdóttur sjúkraþjálfara sem sérhæfir sig á sviði kvenheilsu.
Markmið námskeiðs er að byrja að hreyfa sig aftur eftir meðgöngu og fæðingu.
Gera það á sem öruggastan hátt, í sátt við líkama og sál.
Byggja upp góðan hreyfigrunn og styrk fyrir stigvaxandi álag, tengjast líkamanum á nýjan hátt eftir þær breytingar sem hafa átt sér stað og læra að sýna sér bæði mildi og þolinmæði í gegnum ferlið.
Byrjað er mjög rólega og lögð áhersla á grunnatriði á borð við öndun, tengingu við kviðvöðva og grindarbotn ásamt líkamsbeitingu.
Í fyrsta tímanum er farið yfir öll grunnatriði sem við byggjum svo ofaná með skemmtilegum æfingalotum þar sem hver og ein gerir æfingar við sitt hæfi á sinum hraða.
Frábær grunnur fyrir önnur mömmunámskeið þar sem ekki er kafað eins djúpt í grunninn með augum sjúkraþjálfara.
Tímarnir eru á þriðjudögum og fimmtudögum kl.9:45-10:45
Innifalið í námskeiðinu eru 2x tímar í viku 60mín í senn, vikuleg heimaæfing og fræðsla.
Börnin eru að sjálfsögðu velkomin með
Það er takmarkað pláss í tímana, við æfum í litlum hóp til að gera umhverfið sem persónulegast og notalegast.
Það getur haft mjög jákvæð áhrif að hitta og æfa með öðrum mæðrum, eiga spjall og geta speglað sig með það sem maður er að ganga í gegnum á þessum tíma lífsins.
Næsta námskeið hefst 4.apríl
Það er sjálfsagt að fá að skipta greiðslum í tvennt eða að fá nótu fyrir niðurgreiðslu hjá stéttarfélaginu þínu, sendu mér skilaboð á hildur@sjukrasel.is og við göngum frá því saman